tag:blogger.com,1999:blog-59963757744880574722011-04-21T17:10:00.941-07:00Attooshttp://www.blogger.com/profile/13735468582818814001noreply@blogger.comBlogger11100tag:blogger.com,1999:blog-5996375774488057472.post-59640740289020094312007-05-21T13:11:00.001-07:002007-05-21T14:30:58.165-07:00<div style="text-align: right;"><span style="font-size:130%;">الواحد قاعد مش لاقي حاجة يعملها<br /><br />و الامتحانات قربت بقا وانتوا عارفين لازم الواحد يخترع حاجة يضيع فيها وقته غير المزاكرة<br /><br />و انا عامل البلوج من زماااااااان و مش عارف اكتب ايه<br /><br />قولت ادخل ارغي عن نفسي حبة ( ايه البلوج بتاعي لازم اول حاجة طبعا اتكلم عن نفسي امال هو معمول ليه )<br /><br />الحكاية تبتدي في يوم رائع من اروع ايام التاريخ (مش كفاية اني جيت فيه ) اليوم ده يوافق 19 من شهر 5 في السنة العظيمة 1986<br /><br />المكان اروع مكان على وجه الارض ( و المرادي مش عشان انا اتولدت فيه ) مكة المكرمة<br /><br />الاجواء مشحونة و كله مترقب<br /><br />و يجي الدكتور و يلقي القنبلة<br /><br />مبروك ولد ............................................<br /><br />حد ناصح يسال طب ايه القنبلة في الموضوع<br /><br />اقوله شطور مصحصح معايا<br /><br />ببساطة اصل كان نفسهم في بنت<br /><br />حتى وصل الموضوع ان عماتي في مصر لما عرفوا عيطوا !!!!!<br /><br />بس معلينا مش القضية<br /><br />جدتي ربنا يطول في عمرها و يبارك لها في صحتها هي اللي سمتني (سمتني مش سممتني )و اطلقت عليا اسم الدلع اتووس (بفتح الالف و الشدة على التاء ) (كنت بكرهه زمان على فكرة سبحان مغير الاحوال )<br /><br />و في اليوم ده بدات رحلة العذاب<br /><br />طبعا منعاً للملل اللي اكيد بقيتوا فيه (و اكيد مش هفتكر كويس وانا بابي ) هنجري في الزمن حبة اللي هو البعد الرابع حسب كلام اينشتين و حسب كلامه بقا ممكن نتحرك فيه<br /><br />اللي مش مصدق يروح يساله<br /><br />جهزوا نفسكم و شوز الجري و الترنج عشان هنجري كتير<br /><br />.<br />.<br />.<br />.<br />.<br />اخيرا وصلنا حبة مية بقا عشان تعبت<br /><br />بس وصلنا فين ؟؟؟<br /><br />سؤال وجيه استنوا ابص كده<br /><br />اه افتكرت احنا حاليا في اسكندرية سنة 1992 ( بعد الزلزال باسبوع)<br /><br />اخيرا نزلنا من السعودية (المفروض نهائي ) و جه وقتي ابدا رحلة العذاب الابدية الا وهي الدراسة<br /><br />طبعا بابا حب يبعد عن الزحمة فاشترك مع عمتي في فيلا في منطقة تدعى ابوتلات<br /><br />و اقرب مدرسة ابتدائي هي مدرسة العوامي الابتدائية المشتركة (اجاركم الله )<br /><br />و طبعا لقدراتي الفوق الطبيعية و ذكائي الخارق (بالنسبالهم طبعا ) كان لازم اكون اشطر واحد هناك و السبب بسيط اني كنت بنسى اي حاجة بتتشرح و ماما كانت بتزاكرلي في البيت<br /><br />بس على فكرة محدش يفهمني غلط انا عمري مطلعت الاول في اي حتة حتى لو كنت اشطر واحد باعتراف الناس<br /><br />مرحلة ابتدائي كانت هادية و رتيبة مفهاش غير خنقتي من البدو اللي كنت معاهم و مشاكل البيت و عقدة الصغير و الكلام ده<br /><br />بس تفجر فيها حبي للقراءة و تراوحت الكتب من ميكي و بطوط لرجل المستحيل و ختاما لرافت الهجان و الفرسان الثلاثة ( مش عارف عيل ايه اللي يقرا الحاجات دي ) حتى بنك المعلومات معداش من تحت ايدي<br /><br />طبعا النتيجة متوقعة و للي لسه متوقعش النتيجة هي نضارة و انا في 5 ابتدائي بتاخير سنة عن ضعف النظر الفعلي<br /><br />طبعا فيه شوية احداث متفرقة زي مسابقات الشطرنج بما ان بابا محترف قديم و زي البينج بونج اللي مكنتش بلعبه كتير عشان كنت صغير و اخواتي مش بيحبوا يلعبوا معايا و الانعزال و ادمان القراءة و التليفزيون و احلام اليقظة و الخ الخ الخ<br /><br />عدي ابتدائي الحمد لله ( خلصتكم اوام اوام اهو ) و دخلت على اعدادي بس مش هتكلم عنها عشان مقعدتش في مصر بعدها غير شهر و توجهت مرة اخرى الي السعودية و لكن للاسف مش مكة المرادي<br /><br />بس كفاية عليكم كده المرادي اكملكم مرة تانية<br /><br />اصلي تعبت من الكتابة بعيد عنكم<br /><br />استنوا لما ازهق تاني و اجيلكم بقا<br /><br /><br /></span></div><div class="blogger-post-footer"><img width='1' height='1' src='https://blogger.googleusercontent.com/tracker/5996375774488057472-5964074028902009431?l=attoos.blogspot.com' alt='' /></div>Attooshttp://www.blogger.com/profile/13735468582818814001noreply@blogger.com3